Այսօր գտնված 6 զինծառայողներից մեկը հայտնի դերասանուհու հարազատ եղբայրն է

Հետաքրքիր

Դերասանուհի Իրինա Այվազյանի ընտանիքը հոկտեմբերի 12-ից լուր չուներ նրա հարազատ եղբորից՝ Արսենից: Այսօր գտնված 6 զինծառայողնրից մեկն Իրինայի եղբայրն է: Հարազատները նրանցից լուր չեն ունեցել 70 օր: Tert.am Life-ի հետ զրույցում դերասանուհին հաստատեց լուրը: Նա ոգևորությամբ սպասում էր եղբոր հետ հանդիպմանը, քիչ առաջ խոսել է նրա հետ: Դերասանուհին այս պահին դժվարացավ արտահայտել զգացողությունները, խոստացավ այդ մասին խոսել ավելի ուշ:

Նշենք, որ Արցախի նախագահ Արայիկ Հարություննյանն իր ՖԲ էջում գրել էր․ Սիրելի՛ հայրենակիցներ Այսօր թշնամու վերահսկողության տակ անցած տարածքներում իրականացվող որոնողական աշխատանքների արդյունքում ԱՀ արտակարգ իրավիճակների ծառայության, Արցախում խաղաղապահ առաքելություն իրականացնող ռուսական զորակազմի և Կարմիր խաչի միջազգային կոմիտեի ջանքերով ավելի քան 70 օր անհայտության մեջ հերոսաբար մաքառած մեր 6 ժամկետային զինծառայողները րոպեներ առաջ վերադարձան Հայրենիք՝ այս ծանր օրերին ուրախություն պատճառելով բոլորիս:

Այս կարևոր հաջողության համար իմ երախտագիտությունն եմ հայտնում Ռուսաստանի Դաշնության նախագահ Վլադիմիր Պուտինին, ում անմիջական ջանքերի շնորհիվ ինտենսիվ կերպով շարունակվում են անհայտ կորածների որոնողական և, իհարկե, զոհվածների աճյունների վերադարձման աշխատանքները:

Իմ առանձնահատուկ երախտագիտությունն եմ հայտնում նաև Արցախում ռուսական խաղաղապահ առաքելությունն իրականացնող զորակազմի հրամանատար Ռուստամ Մուրադովին, տղաների գտնվելու վայրը ուղեկցած Արթուր Ավագյանին, ինչպես նաև ԱՀ արտակարգ իրավիճակների պետական ծառայության ողջ անձնակազմին, որոնց կատարած հերոսական աշխատանքին դեռ առիթ եմ ունենալու անդրադառնալու: Ստորև հրապարակում եմ մեր փրկված վեց հայրենակիցների անուն-ազգանունները, որոնց մասին արդեն պատշաճ կերպով տեղեկացված են հարազատները.

Այվազյան Արսեն Կարենի Սահակյան Դավիթ Գեղամի Ստեփանյան Նիկոլայ Սեյրանի Հարությունյան Արթուր Գարիկի Արմաղանյան Արման Արշակի Թումանյան Ռուսլան Սարգիսի Հ. Գ.

Добавить комментарий

Ваш адрес email не будет опубликован.